గురు శిష్యుల స్వాతికి'రణం'

గురువుల గురించి విశ్వనాధ్ సినిమాల్లో ఉన్న అంశాన్ని శోధించే నా ఈ చిరు ప్రయత్నం లో ఇది మొదటి అడుగు. ఇంతకు ముందర నేను శంకర శాస్త్రి ఆంధ్రా Roarkaa? అని నా ప్రయత్నానికి పీఠికని వ్రాశాను. ఇది అసలు విషయం.

Ayn Rand వ్రాసిన The Fountainhead అనే నవలలో మనుషుల మనస్తత్వాలని విశ్లేషిస్తుంది. అవి నాలుగు రకాలంటూ. ఆ నాలుగు రకాలలో ఎంతో గొప్ప generalization ఉంది. ఆమె ఆరోహణ క్రమంలో వివరించింది.

అలాగే కే విశ్వనాధ్ సృజియించిన అద్భుత చిత్రరాజాలైన

౧. "శంకరాభరణం"

౨. "సాగర సంగమం"

౩. "స్వర్ణ కమలం"

౪. "స్వాతి కిరణం"

లలో గురువుల గురించి అవరోహణ క్రమం లో చెప్పారు. కానీ నేను ఆరోహణ క్రమం లోనే వాటి గురించి పరిచయం చేస్తాను. ముందుగా "స్వాతి కిరణం".

కే విశ్వనాధ్ అద్భుతమైన పరిశీలనా శక్తికీ, సునిసిత దృష్టికీ, ఈ సినిమాలు గొప్ప ఉదాహరణలు. ఆయన తీసిన సినిమాలన్నీ ఒక ఎత్తయితే ఈ నాలుగు సినిమాలూ ఒక ఎత్తు. ఈ నాలుగింటినీ ఒక quadrulogy (పదం కరెక్ట్ కాదేమో. తెలిసిన పెద్దలు చెప్పండి) అనుకోవచ్చు.

ఇక్కడే నా కేస్ స్టడీ మొదలవుతుంది.

"శృతి నీవు ద్యుతి నీవు... ఈ నా కృతి నీవు భారతీ..." అంటూ ఆ శిష్యుడు కుతూహలం గా మొదలు పెడితే ఆ గురువు గారికి అసూయ మొదలైంది. విశ్వనాధ్ ఇక్కడే తన గొప్పతనాన్ని బయట పెట్టుకున్నారు. ఎలా అంటే...

ముందు ఆ గురు శిష్యుల పాత్రలకి ఎంపిక చేసిన పాత్ర దారుల ద్వారా? నిజంగా మమ్ముట్టీ ని ఎంపిక చేయటం masterstroke. ఏ కమల్ నో, సోమయాజులనో, ఎంపిక చేయ వచ్చు. కానీ వారిని ఇద్దరు గురువుల కోసం వాడేశారు. మూడో గురువు ఎవరో సస్పెన్స్. అందులోనూ వారిద్దరికీ తెలుగు ప్రేక్షకులలో ఒక రకమైన ఇమేజ్ ఉంది. అందువల్ల కథ మీద అంచనాలతో వచ్చే ప్రేక్షకులకి నిరాశ కలుగ వచ్చు. ఇక్కడ విషయ ప్రధానమే కానీ నట ప్రధానం కాదని ఆయన తన ఎంపిక తోనే చెప్పారు. మమ్ముట్టీ ఎంత మాత్రం నిరాశ పరచకుండా నటించి (మాట తప్పేమో...), ఆయన ఆశీస్సులని అందుకున్నారు. ఆ పిల్లాడూ అంతే బాగా నటించాడు. Selection of actors is of top class. K. Vishwanath is a master in it. (Some more about this aspect in the next post)

రామాయణం లో పిడక వేట అనుకోకుంటే... సినిమాలో మమ్ముట్టీ కి "పద్మ..." అవార్డు వస్తుంది. దానిని అతను తిరస్కరితాడు. (ఇక్కడ విశ్వనాధ్ టెక్నిక్, సింబాలజీ ని మనం తప్పకుండా తలుచుకోవాలి. ఈ విషయాలూ చెప్పుతాను.). కానీ తన నటనతో విశ్వనాధ్ ఆశీస్సులని అందుకున్న మమ్ముట్టీ తరువాత కాలం లో ఆ అవార్డుని అందుకున్నారు.

"అసూయ" మనిషి భావాలలో అతి ఏహ్యమైన భావం. మనిషిని ఎంత నీచానికైనా దిగజారుస్తుంది. అందులోనూ ఒక గొప్ప శిష్యుని చూసి అసూయ పడ్డ గురువు ఆ గురుత్వానికే అనర్హుడు. (అసూయ ఉండవచ్చు. అది ఎలాంటి అసూయో నేను తరువాత నా బ్లాగు thinkquisistor.blogspot.com లో చెపుతాను. http://annisangathulu.blogspot.com బదులు నేను మొదలెట్టిన క్రొత్త బ్లాగు. మా నాన్న గారిని ఒప్పించి ఆయన చేత రామాయణాన్ని వ్రాయించే ప్రయత్నంలో కొత్తదైతే బాగుంటుందని మొదలెట్టాను).

అలా అసూయ చేతిలో చిక్కి తన జీవితాన్ని కోల్పోవటమే కాక ఇద్దరికి కడుపు కోత మిగిల్చిన ఒక గురువు కథే "స్వాతి కిరణం". అసూయ ప్రభావాన్నే కాదు మనుషుల సైకాలజీని ఇంత అద్భుతంగా స్టడీ చేసిన సినిమాలు చాలా అరుదు.

Ayn Rand తన The Fountainhead లో మనుషులని

౧. "a man who never could be, but doesn't know it."

౨. "a man who never could be, knows it too."

౩. "a man who could have been."

౪. "The man as he should be and ought to be." అని విభజిస్తుంది.

మరి విశ్వనాధ్ సినిమాల్లో... మొదట అసూయ వల్ల ఎంత పతనమవుతారో చెప్పే "స్వాతి కిరణం". ఇక్కడి నుంచే నా పయనం మొదలు.

(సశేషం)

"స్వాతి కిరణం" గురించి బాగానే ఆలోచించాను కనుక దాని మీద వ్యాసాలు త్వరగానే వ్రాస్తాను. నవంబరు మొదటి వారం లోపలే.

The Fountainhead గురించి కొందరు అడిగారు. లింకులు దొరుకుతాయి కానీ నా వ్యాసాలకి అనుగుణంగా నేనే రెండు రోజుల్లోనే http://thinkquisistor.blogspot.com లో వ్రాస్తాను. బ్యాక్ గ్రౌండ్ తెలుస్తుంది.
--------------------------------------------------------------------

పెద్దల గురించి, తప్పొప్పుల గురించి (ఇక్కడ తప్పులు లేవు లెండి.) చెప్పే ముందు మన గురించి చెప్పుకోవటం సంప్రదాయం.

నా గురించి చెప్పుకునేటందుకు ఏమీ లేదు. అంతా నార్మల్. ప్రొఫైల్ లో ఉన్నది కొంచమే. Dual nature. (But both are positive.). కొన్ని సార్లు అద్భుతంగా వ్రాస్తాను.

{SRINIVASA RAMANUJAN : THE CONJECTURE OF MATHEMATICS (Some of my best writing in english. ippudinkaa improve ayyaanu.)

వయ్యంటే బిడ్డే (My best in telugu)

కత వింటారా మాట కదా ఒకటుందీ. (బాబు ఆకుల గారి 'తెలుగు వెలుగు' లో ప్రచురితమైంది)

"నిఝంగా క్రికెట్టేనా??" కి స్పందన. : Complete post... (నిజంగానే బాగుంది)

http://wimbledonweekly.blogspot.com లోని దాదాపు అన్ని టపాలూ. మరీ అద్భుతమైనవి అని కాదు. బాగా కుదిరాయి. నాకు తృప్తిని ఇచ్చాయి. ఇంకా బాగా వ్రాయగలను.}

కొన్ని సార్లు అంతే అద్భుతంగా చెడ గొడుతాను.

పున్నమి - ఏ'కాంత'వేళ (ఎంతో భావుకత తో వ్రాయాల్సినది. మరీ dry స్టైల్ వచ్చేసింది. చెప్పాలనుకున్న దానిని చెప్పలేక పోయాను. నాలుగైదు ఆలోచనలని పెట్టుకుని చివరకి ముగింపుని కష్టం చేసుకున్నాను. నాకా genre సూటు కాలేదు. నేర్చుకోవాలి.).

వెంట్రుక ∏ శర్మా మాస్టరు. (ఇంకా బాగా వ్రాయగలను. కానీ అప్పుడు మనసు పెట్టలా.ఇంకొంచం క్రిస్ప్ గా వ్రాసి ఉండాల్సింది.).

ప్రియ గారిచ్చిన "దొర్లే బఠానీ గింజ" (My worst పోస్ట్. మళ్ళీ వ్రాస్తే సరిగానే వ్రాస్తాను.).

అది నాకు బాగా తెలుసు. నా dual nature లో ఉన్న ఇబ్బందే అది.

"విజయ విశ్వనాథం" సీరీస్ ని చాలా లేటు చేసింది అందుకే. చెప్పాలనుకున్న దానిని సరిగా చెప్పగలను అనుకున్నప్పుడే వ్రాస్తాను.

ప్రయత్నం నాది. ఫలితం ఆ 'శ్రీకృష్ణ భగవానుడికే' వదిలేశాను.

"విజయోస్తు" అని ఆశీర్వదిస్తారో... లేక

ఇది నా గురించి.

హరే కృష్ణ!