ఏక్ నిరంజన్!

రోజూ తప్పని ట్రబుళ్ళు

2009-12-03T11:20:00.000-08:00

చెవిలో సెల్లుఫోను గీతాలు
చుట్టురా బస్సు హారన్ల పకపకలు

పైకి చూస్తే మిల మిల మబ్బులు
ఎదురుగ చూస్తే తళ తళ తారకలు

ఇంటికెళ్ళే గేదెలు
బడి బైట కెళ్ళే పిల్లలు

సిమెంటు రోడ్డు మీద నడకా
ఓపికుడిగి ఇంటికి చేరిక
ఇవే కదా సాయంకాలపు కబుర్లు
(రోజూ తప్పని ట్రబుళ్ళు)

మరువంలో కామెంటుగా పెట్టింది.

వైజాగు డైలీలో సెరీనా విలియమ్స్

2009-10-20T10:25:00.000-07:00

వైజాగ్ డైలీలో సెరీనా విలియమ్స్ గురించి రాసింది ఇక్కడ చూడండి. అక్కడో ఇక్కడో ఒక కామెంటేయండి. :-)

సత్యాన్వేషి - The return of the Inquisistor

2009-10-12T08:29:00.000-07:00

సత్యమేవ జయతే అని సత్యాన్ని సాధనచేసే క్రమంలో ఆ సత్యం యొక్క గొప్పతనాన్ని తెలుసుకుని, "సత్యాన్వేషి" గా మారి ఇదిగో చివరికి "ఏక్ నిరంజన్" గురించి తెలుసుకున్నాను. దాంతో ఆంతిమ సత్యం వైపు నా పయనం మొదలైంది.

ఏక్ నిరంజన్ The ultimate quest of The Inquisistor for the ultimate truth

A small poem to begin with

Where the mind is without fear...
where the eyes are without tears...
When the world is without liars...
Itz only that people are with their dears,
Cometh this Beauty.

Whatz that beauty, My dear friends? Itz the truth within yourself

Happy Birthday Usain. Long live.

2009-08-20T11:23:00.000-07:00

విషయం అర్థమయ్యేలా ఉంది కదా! ఇప్పుడే వికీలో చూశాను. పూర్తి టపా వ్రాయలేనిప్పుడు. కానీ ఇదైనా పెట్టందే నిద్ర పట్టేలా లేదు.

Let's wish Happy BOLTday to Usain. (Aug 21, 1986)

He redefined HUMAN POWER. And he deserves it.

I'l surely write a post on you Bolty.

అలై పొంగెరా కన్నా...

2009-08-13T22:52:00.000-07:00

శోభనా విగ్నేష్. కమల్ నటించిన "మహానది" లో కమల్ కూతురుగా నటించారు.

ఇప్పుడు ప్రముఖ కర్నాటక సంగీత గాయని. ఆవిడ పాడిన ఈ గీతం... కృష్ణాష్టమి శుభాకాంక్షలతో...

పాట తమిழ் లో ఉంది అయినా సంగీతానికి భాషతో పని ఏముంది?

పాట లిరిక్స్ కూడా చూడండి

alaipaayudhae kaNNaa en manam alaipaayudhae

aanandha moagana vaeNu gaanamadhil

alaipaayudhae kaNNaa en manam alaipaayudhae

un aanandha moagana vaeNu gaanamadhil

alaipaayudhae kaNNaa aaaa

nilaipeyaRaadhu silaipoalavae ninRu (2)

naeramaavadhaRiyaamalae miga vinoadhamaana muraLeedharaa en manam

alaipaayudhae kaNNaa aaaa

theLindha nilavu pattappagal poal eriyudhae (2)

dhikkai noakki en puruvam neRiyudhae

kanindha un vaeNugaanam kaatRil varugudhae (2)

kaNgal sorugi oru vidhamaay varugudhae (2)

kadhiththa manaththil oruththi padhaththai enakku aLiththu magizhththavaa (2)

oru thaniththa manaththil aNaiththu enakku uNarchchi koduththu mugizhththavaa

thaniththa manaththil aNaiththu enakku uNarchchi koduththu mugizhththavaa

kaNai kadal alaiyinil kadhiravan oLiyena iNaiyiru kazhalena kaLiththavaa

kadhaRi manamurugi naan azhaikkavoa idhara maadharudan nee kaLikkavoa (2)

idhu thagumoa idhu muRaiyoa idhu dharmam thaanoa (2)

kuzhaloodhidum pozhudhu aadigum kuzhaigaL poalavae manadhu vaedhanai migavodu

alaipaayudhae kaNNaa en manam alaipaayudhae

un aanandha moagana vaeNu gaanamadhil

alaipaayudhae kaNNaa aaaa

ఎక్కడన్నా తప్పులుంటే చెప్పండి. సరిజేస్తాను

మిత్రులందరికీ నా తరఫున

శ్రీకృష్ణాష్టమి శుభాకాంక్షలు

గీతాచార్య

HAPPY BIRTHDAY MY DEAR SAMPRAS

2009-08-11T19:25:00.000-07:00

I wish you a very Great and Happy year ahead for you.

PETE SAMPRAS

The King Of Swing. The Greatest ever Wimbledon Champion. Never lost in a Wimbledon Final.

A post is due for you, I'll come up with it today. Sure.

Kidnap... Lovers Paradize

2009-08-02T00:26:00.000-07:00

She said to him with all affection, "You are my kid."

He said to her smiling, "So, let me take a nap in your lap, to finish this kidnap. So that we will be missed by others, but we will never miss each-other. "

ఇంతానందం ప్రకృతిలోనా... (నా వయసుని మించిన కామెంట్లు)

2009-08-01T11:11:00.000-07:00

నేనింతవరకూ వ్రాసిన ఏ బ్లాగ్పోస్టూ పన్నెండు కామెంట్లని మించి సాధించలేదు. I have no complaints though. ;-) (స్వప్నిక మీద వ్రాసిన దానికి దెబ్బై పైన వచ్చినా... అవన్నీ ప్రచురించలేదు. చాలా వరకూ ఒకేరకమైన అభిప్రాయం ఉన్నవవి) . నవతరంగంలో మాత్రం నాకు బానే కామెంట్లొచ్చాయి. పదికి తగ్గకుండా.

మొన్నీమధ్య నేను "సృజనగీతం" లో వ్రాసిన ఒక వాన కవితకి మాత్రం అక్షరాలా ఇరవయ్యారు వ్యాఖ్యలు పడి నన్ను ఆశ్చర్యంలో ముంచెత్తాయి. సాధారణంగా నేను కామెంట్ల లెక్క చూసుకోను. ఎందుకంటే నేను ఎలా వ్రాశానో నాకు బాగానే అర్థం అవుతుంది కనుక. ;-)

కానీ ఇదెందుకో కాస్త ఎక్కువ ఆనంద పరిచింది. అందుకే ఇలా పోజెట్టానన్నమాట. హిహిహి

వాన కాలపు ఙ్ఞాపకాలు మరువం ఏనాడు...

2009-07-28T09:25:00.000-07:00

"మాటల మూటలు
చిరు చిరు అలకలు
చిటిపొటి ఆటలు
వానలో చిందులు.

తడిసిన మొగ్గలు
నునులేత సిగ్గులు
'కంది'న బుగ్గలు
నీకు నా హగ్గులు

(The last 2 lines are private ;-))

కాగితం పడవలు
మిరపకాయ బజ్జీలు
వాన కాలపు ఙ్ఞాపకాలు
మరువం ఏనాడు."

***

నేను ఇక్కడ వ్రాసిన కవితకి వచ్చిన స్పందనకు ప్రతిస్పందన మొదటి చివరి stanzas. The smaller font can be ignored. Rest is for everybody.

ధరణిలా ఆశ చిగురించాలి

2009-07-27T05:45:00.000-07:00

చెట్టు మోడైందని
ధరణి మోడౌనా?

కష్టమొచ్చిందని
మనిషి చావతగునా?

ధరణిలా ఆశ చిగురించాలి
ప్రేమ వికసించాలి
తనువు పులకరించాలి
చిరుజల్లుల వానలా!

పెళ్ళంటే ఏమిటంటే...

2009-07-19T05:00:00.000-07:00

ధర్మార్థకామమోక్షాల సాధనే మానవ జీవత పరమార్థం అంటారు కదా. మరి పెళ్ళి అంటే మీకు తెలుసా? ధర్మ బద్ధమైన జీవనం గడపటంలో వివాహం మిక్కిలి పాధాన్యతని సంతరించుకుంది. మరి అలాంటి పెళ్ళెంటే ఏమిటి

ధర్మం కోసం చట్టబద్ధత*,

అర్థం కోసం కట్నం,

కామం కోసం సంసారం,

.................................

ఇవన్నీ అయ్యాక, మోజు తీరగానే

పెళ్ళానికి మోక్షమిచ్చి పంపి, మళ్ళా ధర్మ సాధనకోసం మరో...

ఈ విధంగా మనవుడు తన జీవన పరమార్థాన్ని నెరవేర్చుకుంటున్నాడు. ;-)

*అక్కడ భార్య అని ఉంది. మిత్రుల సుచన మేరకు ఇలా. ఏది కావాలో అది చదువుకోండి. ఎందుకంటే... మనది ప్రజాస్వామ్యం. మీకా స్వేచ్ఛ ఉంది కదా...! ;-)

ఓ పాతిక లక్షల కట్నం కోసం తనని చక్కగా అమ్ముకున్న నా ఒక మరీ అంత క్లోజ్ కాని మిత్రునికి త్రీ ఛీర్స్!!!

అంకితం: కట్నం తీసుకోను అన్న కుర్రాడికి ఏదో లోపం ఉంటుంది అనుకునే అమ్మాయిల తల్లితండృలకందరికీ విచ్చలవిడిగా. పండగ చేసుకోండి.

And the Winner is...

2009-07-05T10:35:00.000-07:00

ROGER FEDERER

వింబుల్డన్ చరిత్రలోనే అత్యంత గొప్ప ఫైనల్ లలో ఒకటిగా నిచిపోయే ఈ నాటి ఆటలో

5-7, 7-6, 7-6, 3-6, 16-14 తేడాతో విజేతగా ఆవిర్భవించి చరిత్రలోనే తిరుగులేని ఆటగాడిగా నిలిచిపోయాడు.

దీంతో పాటూ, మహిళల WILLIAMSDON (2009) లో సెరెనా డబుల్స్ కూడా గెలిచి తన ఆధిపత్యాన్ని చాటింది.

ఉప్మా యత్ర సాదృస్య... కాళిదాసుని పట్టుకున్న వాళ్ళకి వంద మొహరీలు.

2009-06-25T11:40:00.000-07:00

"దేశ భాషలందు తలుగు లెస్స" అని ఆంద్ర భోజుడు అన్నాడు. బాంది. కానీ తెలుగు టిఫిన్ లందు ఉప్మా లెస్స అంటే నేనూరుకోను. ఊరుకోవచ్చేమో! ఉప్మా లెస్ కదా. :-)

ఆ మధ్యెప్పుడో క్రాంతి గారి ఉప్మా పురాణం టపా చదివి బహు బాగు అనుకున్నాను. నేనూ ఉప్మా గురించి వ్రాయాలి అనుకున్నాను. అశ్శ్రీహరిని పూజించకు. తలవకు. అంటూ ప్రహ్లాదుడిని బెదిరించినా హిరణ్యకశిపుడు తన ద్వేషం వల్ల ఆ శ్రీహరినే తలంచినట్లు నా ద్వేషం వల్ల ఉప్మాని తలంచక తప్పట్లేదు. ఉప్మాగురించి వ్రాయటానికి అంత సీను ఉందా! అనుకుంటుండగా క్రాంతి గారి వల్ల నా భ్రాంతి వదిలిపోయింది.

"చంటీ టిఫిన్ చేసి వెళ్ళు," అని వదిన అంటుంది. నేను, "టిఫిన్ ఏమిటి వదినా" అంటాను. సమాధానం "ఉప్మా." దేవుడా ఆరోజు నాకు టిఫిన్ ప్రాప్తం లేదు అనుకుంటూ ఆకలిగా లేదు అంటాను. ఆ పూటకి మధ్యాన్నం ఒంటి గంట దాకా మాడాల్సిందే. ఉన్న ఉప్మా చాలదన్నట్టు, ఇంక గోధుమ రవ్వతో చేస్తారు. దానికన్నా ఎండు గడ్డే నయం.

పెళ్ళిళ్ళలో తొందరగా అవుతుందని ఉప్మా చేస్తారు. అదో నరకం. నన్ను తీసుకెళ్లినోళ్ళు (అప్పుడు చిన్న పిల్లాడినే), "తినూ బాగుండదు" అంటారు. మరి బాగుందనిది ఎలా తినేది. ఈ విషయమే మా బాబాయిని ఒకసారి అడిగా. వేలు చూపిస్తూ నోరు మూసుకో అన్నాడు. ఈ తుక్కుప్మాకి తోడూ బెదిరింపులోకటి. హ్హుఁ. ఒకసారి మా బంధువుల ఇంటికి వెళ్లాను. అక్కడ వెరైటీ టిఫిన్ అన్టూ అదేదో పెట్టారు. పైకి రొట్టెలాగా ఉంది. హా ఛస్తి. లోపల ఉప్మా ఉంది. ఇవాళ ఉపవాసం ఉంది మరిచిపోయాను అని తప్పించుకున్నాను.

వీటికితోడు పెసరట్టొకటి. రెండూ రెండే. కరటక దమనకుల్లాగా. ఒక్కోసారి నా చేత టిఫిన్ మానిపించాలనేమో ఇంట్లో కక్ష కట్టినట్లు ఉప్మా చేస్తారు. మళ్ళీ దాన్లో టమాటా. వాక్.

ముంబై మోడల్ లాగా బొంబాయి రవ్వుప్మా,
నమిత లాగా ఇడ్లీ ఉప్మా,
వాన పాములల్లె సేమ్యా ఉప్మా,
ఎస్ ఎస్ రాజ మౌళి సినేమాలో రక్తం లాగా టమాటా బాత్,

పేర్లెన్నో పెట్టి నా ప్రాణం తీయక పొతే ఎందుకీ చెత్త. ఈ ఉప్మా ప్రేమికులకి ఎందుకో అదంటే అంత ఇది. బహుశా బద్ధకం ఉన్న వాళ్ళకి ఉప్మా నచ్చుతుందేమో. చేసుకుంటాం వీజీ కదా.

ఉపమాలంకారం లాగా ఉప్మాని ఎవరు బడితే వారు చేసేస్తుంటారు. బహుశః కాళిదాసే దాన్ని మొదలెట్టి వెళ్ళాడేమో! కాళిదాసు కవిత్వం లాగా చిరస్థాయిగా నిలిచి పోయింది. బాడ్ లక్.

ఉప్మాసంహారం: ఆ మధ్య శ్రీ శైలం వెళ్లి వస్తూ మా పిన్నీ వాళ్ళింట్లో దిగాము. పగలంతా క్రికెట్ ఆడి వస్తూ సాయంత్రానికి ఆకలేస్తోందని టిఫిన్ చేయమని అడిగాం. సరేనంటూ తను ఉప్మా పెసరట్టు చేసింది. తినను బాబోయ్ అన్నా బలవంతంగా పెట్టిచ్చింది. తినకపోతే ఢామ్. తిన్నా ఢామ్. ఆకలి తో అలమటించి దిక్కులేని చావు చచ్చే కన్నా ఉప్మా చావే నయం అని డిసైడ్ అయి తప్పదన్నట్లు సోక్రటీస్ విషం త్రాగినట్లు ఒక ఎక్స్ప్రెషన్ పడేస్తూ నోట్లో ఒక ముక్క పెట్టుకున్నాను. చిత్రం. తేజా సినేమా హిట్ అయినట్లు అది నాకు నచ్చింది. ఇంకోటి ఇంకోటి అంటూ ఐదు తిన్నాను. కలయో లేక వైష్ణవ మాయయో అనుకుంటూ రేపూ ఇదే చెయ్యి అని అడిగిమరీ తిన్నాను. అయ్యో ఇంత మంచి టిఫిన్ని ఇంతకాలం ఎందుకొదిలేశానో కదా అనుకుంటూ ఇంటికెళ్ళాక అమ్మని ఉప్మా పెసరట్టు చేయమన్నాను. అమ్మ ఆశ్చర్య పోతూ చేసింది. ఆత్రంగా నోట్లోక్క ముక్క పెట్టుకున్నాను. నా బాధ వర్ణనాతీతం. తట్టుకోలేక అమ్మా అన బోయాను. కానీ ఉప్మా ఎఫ్ఫెక్ట్ కి "ఉప్పమ్మా" అన్నాను. అంతే అమ్మ, ఉప్పుతక్కువేమో అని అట్టు తెరిచి ఉప్మాలో కొంచం ఉప్పేసికలిపి నా నోట్లో పెట్టింది.

ఇన్ఫెరెంస్: మీరే తేల్చండి.

నా మాట: ఉప్మా ప్రియులారా! మనది ప్రజాస్వామ్య దేశం. ఉప్మా నచ్చినోల్లు తినండి కానీ వద్దన్న వాళ్ళకి మాత్రం పెట్టకండి.ఉప్మా వ్యతిరేక సంఘం ఎవరు పెట్టినా నేను బయట నుండీ మద్దతు ఇస్తాను. లోపలికి రాను. ఎందుకంటే సంఘం పేరులో ఉప్మా ఉందిగా!

సో, సో సో!

సత్యమేవ జయతే!

ఉప్మయేవ భయతే. ala అశ్వద్ధామ హతః కుంజరః

గమనిక: నేను బ్లాగుల్లోకి వచిన కొత్తల్లో రాసుకున్న టపా ఇది. దాన్ని పూర్తిగా మూసేద్దామని కొన్ని మంచి టపాలని ఇక్కడ పెట్టె ప్రయత్నం. ఇక మిగతావన్నీ బ్యాక్ డేట్స్ తో వస్తాయి.

ప్రేమ రచన

2009-06-25T11:37:00.000-07:00

ధ్వంస రచన జరిగే కాలాన ప్రేమ రచనకు ఆశేదీ?

ఉరుకు పరుగుల లోకాన ప్రేమాస్వాదనకు చోటేది?

దూరమైన హృదయాల మధ్య బిగి కౌగిలికి తావేదీ?

’సత్యాన్వేషి’కి ఏడాది!

2009-06-24T11:38:00.000-07:00

నేను బ్లాగులలోకి వచ్చి ఏడాది పూర్తై పోయి నెల దాటిపోయింది కూడా.

’సత్యమేవ జయతే!’ అనే బ్లాగుతో మొదలెట్టి, కొన్ని కొన్ని వ్యక్తిగత దాడుల వల్ల, ఆ ఐడీనే వదిలేసి, సరికొత్తగా ’The Inquisistor - సత్యాన్వేషి’ అనే ఈ బ్లాగుని మొదలెటింది గత అక్టోబర్లో.

నాకు బాగా గుర్తింపు తెచ్చి పెట్టిన బ్లాగు "వింబుల్డన్ విలేజ్" అయితే, కాస్తో కూస్తో సినీ సినీ పరిఙ్ఞానం ఉన్నదన్న నమ్మకాన్ని కలిగించింది "నవతరంగం". ఇప్పటికైతే నాకు వీటిలో వ్రాస్తుంటే చాలా satisfaction గా ఉంటుంది.

టెన్నిస్ గురించే కాకుండా విజేతల మనస్తత్వాన్ని గురించి కూడా విశ్లేషించే వింబుల్డన్ విలేజ్ అలా అలా సాగుతూ కాస్త కుంటి నడకన ఉంది. ఐనా దానిని మూత పడేయను. వీలున్నప్పుడల్లా ఏదన్నా వ్రాస్తూనే ఉన్నాను.

"విజయ విశ్వనాథం" టపాతో మొదలెట్టి, ఈ మధ్యనే Michaelangelo Antonioni గురించి వ్రాసిన టపా వరకూ పడుతూ లేస్తూనే అయినా హుషారుగానే, పర్పస్‍ఫుల్‍గానే, (మంచి టపాలనే వ్రాశాను. అంత త్వరగా అర్థం కావు అనే కంప్లైంట్ తప్ప) మంచి మంచి వ్యాసాలతోనే నడిచింది నా నవతరంగ ప్రయాణం. నాకు వీలైనన్ని రకాలుగా అన్ని రకాల వస్తువులనీ తీసుకుని వ్రాశాను.

"విజయ విశ్వనాథం" is my original work, where I'm studying the psychological and philosophical motives behind certain characters of K. Vishwanath's Quadrulogy of Gurus. (శంకరాభరణం, సాగర సంగమం, స్వర్ణ కమలం, స్వాతి కిరణం).

వాటి గురించి నవతరంగం లేదా, నా బ్లాగుల లిస్ట్ లో "విజయ విశ్వనాథం" పేరుతో ఉన్న నా బ్లాగులోనైనా చదవవచ్చు.

ప్రపంచ సినిమా, రివ్యూలు, (ఒక తెలుగు, ఒక హిందీ, ఒక కొరియన్), ఒక ప్రముఖ దర్శకుని గురించీ (ప్రశ్నాంటోనియోనీ), ఒక ఇటాలియన్ సినిమా, ఇంగ్లీషు సినిమా ల పైన విశ్లేషణ. ఇదీ నవతరంగంలో నా సోది. త్యాగయ్య గురించి వ్రాసిన టపా నాకు భాషా పరంగా, విషయ పరంగా నాకు ఎమ్తో తృప్తినిచ్చిన టపా. ఇక సుమంగళి గురించి వ్రాసిన టపా కాస్త కల్లోలాన్నే రేపింది.

డమ్మీ - హార్డువేర్ ఇంజినియర్ ఎక్కువ వ్రాయకపోయినా (ఇప్పుడైనా పునరుద్ధరించాలి) చదివించే వ్యంగ్య టపాలే ఉన్నాయి.

సుజాత గారితో మొదలెట్టిన నరసరావుపేట్రియాట్స్ హిట్టయినట్టుగానే ఉంది. మమ్మల్ని చూసి కొందరిలో చలనం వచ్చింది.

నా రొమాంటిక్ బ్లాగ్ ధీర సమీరే... యమునాతీరే! ఉన్నవి రెండే అయినా ఆణిముత్యాల్లాంటి టపాలే.

ఇక ఇప్పుడు ఈ మధ్యనే టపాలు మొదలై నెలలోపే రెండు వేల క్లిక్కులని చవిచూసిన నా మరో ఫావొరిట్ బ్లాగు... BOOKS AND GALFRIENDS.

ఇలా ఇలా ఏదో నా మానాన నేను వ్రాసుకుని పోయినా, సహృదయులైన తెలుగు బ్లాగర్లు మరీ ఎక్కువ కాకపోయినా కాస్తన్నా వారి విలువైన సమయాన్ని నాకోసం కేటాయించి నన్ను ప్రోత్సహించారు. అందరికీ నా సవినయ కృతఙ్ఞతాభివందనాలు.

కొందరు మిత్రులని కూడా నేను సంపాదించుకున్నాను. కాస్తంత గుర్తింపునీ పొందాను ఇక్కడ.ఇదోరకం తృప్తి.

దాదాపూ నూట ఇరవై పైన టపాలు, ఐదు వందల వ్యాఖ్యలు, (నవతరంగం మినహాయించి) ఏడెనిమిది మంది స్నేహితులు, ఇద్దరు ముగ్గురు సద్విమర్శకులు. ఇవీ నేనిక్కడ పోగేసుకున్న ఆస్తులు.

ఒక పన్నెండు వేల మంది పైన నా వ్రాతల్ని చదివారు.

ఈ సందర్భంగా నాకు తెలుగు లిపిని ఎలా వాడాలో చూపిన రామ శాస్త్రి గారికీ, నాకు నవతరంగాన్ని పరిచయం చేసిన కొత్త పాళి గారికీ నేను ఎప్పుడూ కృతఙ్ఞుడనై ఉంటాను.

అలాగే మా పేటోళ్ళు మామూలోళ్ళు కాదు సుమీ. వాళ్ళకీ నా ధన్యవాదాలు.

I never felt I'm local, I always think of me as a universal person ;-). So, I thank everybody.

నా అన్ని బ్లాగుల వివరాలూ సైడ్ బార్‍లో ఉన్నాయి.

అతను ఆమెను చూశాడు

2009-06-17T22:17:00.000-07:00

అతను ఆ పిల్లను చూశాడు.

చాలా కాలం నుంచీ చూస్తూనే ఉన్నాడు. అలాగే ఇవాళా చూశాడు. ఇందాకటి నుంచీ చూస్తూనే ఉన్నాడు. వాచీలో
సెకన్ల ముల్లు పరిగెడుతూనే ఉంది. మాటి మాటికీ అతని చూపులు ఆ పిల్ల వైపు పరిగెత్తినట్లు.

"సార్! ఎడిషనల్ షీట్," అడిగింది ఆ పిల్ల. ఈ లోకంలోకి వచ్చిన అతను నవ్వుకున్నాడు. తన ఆలోచనలకి.
.
.
.
.
.
.
.
.

ఇంట్లో భార్య కానీ ఇక్కడ కాదుగా. :-)

చదువుకుంటే ఆనందం మిస్ - నా విమాన కష్టాలు

2009-05-28T20:46:00.000-07:00

ఈ చిట్టితల్లిని చూడండి. ఎంత చక్కగా విమానంలోంచీ క్రిందకు చూసి ఆనందిస్తోందో! సారీ బయటకి. ఆ అదృష్టం ఎంతమందికి వస్తుంది?

మొత్తానికీ నేను విమానం ఎక్కాను. చిన్నప్పుడు అల్లరి చేసినప్పుడు "వీపు విమానం మోత మోగిస్తా..." అని మురళీ బాబు అన్న రోజుల నుండీ విమానం ఎక్కాలనే ఆశ. అది అడియాశ అవుతుందేమో అనే భయం కొన్నాళ్ళ క్రితం వరకూ ఉంది. అసలు ఆ కోరిక తీరక దయ్యం అవుతానని కూడా అనుకునే వాణ్ణి.

ఇప్పుడా సమస్య వదిలింది కానీ నా ప్రయాణం కొన్ని ప్రశ్నలని మిగిల్చింది.

వీణ్ణి చూడండి. ఎంత హాయిగా ఆనందిస్తున్నాడో! క్యూరియస్ గా, ఆశ్చర్యంగా...

క్రింద ఉన్న ఇళ్ళూ, జనాలూ, బస్సులూ, రైళ్ళూ, చిన్న చిన్నగా చీమల్లా కనిపిస్తుంటే.

క్రింద జనం చీమల్లా. ఎంత ఆశ్చర్యం! :-O

ఊరుకో తమ్ముడూ. అంత ఎత్తుమీదున్నప్పుడు వాళ్ళలాక్కనిపిస్తారు. ఇంకేముంది. ఆనందం ఆశ్చర్యం ఫట్. కనీసం take-off, landing సమయంలో కంగారు పడదామన్నా... అబ్బే. మనలోని ఫిజిక్సోడు మేలుకునే ఉంటాడు. నాయనా... ఇంత ఎత్తుకెళ్తే ఇదీ ఎఫెక్టు, ఇంత క్రిందకి వస్తే ఇదీ ఎఫెక్టూ, take -off అప్పుడూ, landing అప్పుడూ కంగారవసరం లేదు. అదంతా మామూలే. ఆ జరిగేవన్నీ తూచ్. అంటాడు. ఇక కంగారేముంటుంది? ఆశ్చర్యం ఎముంటుంది?

అంథా మాయ. :-(

కొన్ని సార్లు చిన్న చిన్న ఆనందాలే మనిషికి ఒకరకమైన హుషారునిస్తాయి. ఆశ్చర్యాలూ, ఆనందాలూ, చిన్న చిన్నవే మనిషికి అవసరం. అన్నీ తెలిసిపోయి కూచుంటేఇక మనం తెలుసుకునేదేముంది? అలా ఒకరకమైన నిర్వేదంతో గమనించటం తప్ప. లేదా దాన్నే ఆనందం చేసుకోవాలంటే... మనం దేవుడన్నా కావాలి.

పసి పిల్లల బోసి నవ్వులూ, పిల్లగాలి తెమ్మెరలు, వాన మోసుకొచ్చే మట్టి వాసనా, కొత్త పది రూపాయిల బిళ్ళా, తొలి ముద్దులో రొమాన్స్, ఫ్రెండ్స్ తో షికార్లూ, తొలిసారి వచ్చిన సంపాదనా, ఇలా, ఇలా...

అందుకే Unleash the child in you. Then you will enjoy the life better than you now do.

గీతాచార్య

P. S.: నాకు మిస్సయిన ఫ్లైటాశ్చర్యాన్ని నేను ఇలా తీర్చుకున్నాను. నా ముందు వరసలో కూచున్న జంటతో కాసేపు బాతాఖానీ కొట్టి వాళ్ళ రెండు నెల్ల పాపతో ఫ్రెండ్షిప్ చేసి, కాసేపు ఆడుకున్నా. భలే అనిపించింది. ఇంతలో గన్నవరం వచ్చింది.

Are the Australians born to WIN?

2009-05-24T11:04:00.000-07:00

IPL ముగిసింది. గిల్లీ గిల్లి మరీ గెల్చి చూపించాడు.

దీన్ని బట్టీ మనవాళ్ళు గెలవలేరా ఆస్ట్రేలియన్ల మీద?

సెంటిమెంట్ ని బట్టీ చూస్తే ఈ సారి రికీ పాంటింగ్ captaincy లో KKR గెలుస్తుందా :-)D ముంబై ఇండియన్స్ మీద?

Anyway The Gentlemans final ended and the Aussie fav son won. Winners are to be respected. It's not Kumble lost, but his team after all his great effort.

కుంబ్లే, గిల్లీలకి వింబుల్డన్ విలేజ్ స్వాగతం పలుకుతోంది.

బై బై IPL.

No more posts on cricket from now on. Thank you for all those given their support to Kumble.

నాలుగు రోజులు సెలవు దొరికింది. ఎంజోయ్ చేశాను. ఇక మళ్ళీ నా తరహా సీరియస్ పోస్టులు రాస్తాను. ఆటావిడుపు అయిపోయింది.

సే’లవ్’

గీతాచార్య

ఇండియా Vs ఆస్ట్రేలియా IPL ఫైనల్ ఎవరు గెలుస్తారో?

2009-05-24T06:13:00.000-07:00

ఇండియన్ captain ఉన్న RCB నా లేక ఆస్ట్రేలియన్ captain ఉన్న DC నా?

అనిల్ కుంబ్లే. జన్టిల్మన్ ఆఫ్ ఇండియన్ క్రికెట్.

Vs

ఆడమ్ గిల్‍క్రిస్ట్. జన్టిల్మన్ ఆఫ్ ఆస్త్రేలియన్ క్రికెట్.

సో, ఇటీజ్ ఎ జన్టిల్మన్స్ గేమ్. రియల్ జన్టిల్మన్స్ గేమ్.

బాబూ ఏదో ఆట చూడకుండా ఈ ప్రాన్తీయ భేదాలెందుకంటారా? ఇక్కడ ప్రాన్తీయ భేదం కాదు. IPL అంటే భారత దేశపు కుర్రాళ్ళకి పెద్ద పెద్ద క్రికెటర్లతో భుజాభుజాలు రాసుకుని తిరిగే అవకాశం అని అంటున్నారు కదా.

మరి మన దేశపు captain ఉన్న బెంగళూరూ, ఆస్త్రేలియన్ captain ఉన్న హైదరాబాద్ అంటే IND Vs AUS అనే కదా.

అసలే ఇదే దక్షిణాఫ్రికాలో ఆస్త్రేలియా చేతిలో ఓడిపోయి మన వాళ్ళు ఫీల్ అయ్యారుకదా 2003 లో. ఇప్పుడు కుంబ్లే టీమ్ గెలిస్తే అదో తుత్తి. మనవాళ్ళే ప్రపంచ కప్పు గెల్చారని.

బహుశా రేపొకటి రాస్తానేమో. ఆతరువాత IPL కహానీలకి సే ’లవ్’.

బట్ ఎనీ వే జై హో జన్టిల్మన్ క్రికెటర్స్.

కుంబ్లే టీమ్ కి శుభాకాంక్షలు చెప్పండి

2009-05-23T11:11:00.000-07:00

ఇప్పుడే సెమీ ఫైనల్లో ధోనీ సేన పైన గెలిచి ఫైనల్ కి చేరిన అనిల్ కుంబ్లే టీమ్ Royal Challengers Bangalore IPL 2009 గెలవాలని శుభాకాంక్షలు చెపుదాం.

హైదీలూ, దక్కన్ గెలవాలని మీరు అనుకోవచ్చు, కోరుకోవచ్చు. కానీ ఇక్కడ captain మనవాడండీ బాబూ. మెయిన్ ఆటగాళ్ళూ మనోళ్ళే. ఎంతైనా ఇండియన్ ప్రీమియర్ లీగ్ కదా. ఇండియన్ captain గెలిస్తేనే బాగుంటుంది.

5/5 తో మొదలెట్టిన కుంబ్లే విజయ ప్రస్థానం ఫైనల్ గెలవటం తోనే ఆగాలని కోరుకుంటూ...

ఇక్కడా ఓ లుక్కేయండి

గీతాచార్య

దమ్మున్న దయ్యాలు - దుమ్ము లేపే సెమీస్

2009-05-22T05:07:00.000-07:00

Delhi Daredevils . పేరే భలే ఉంది. దమ్మున్న దయ్యాలు. హహహ.

ఇక జట్టులో ఉంది? ప్రపంచంలోనే అత్యుత్తమ ఓపెనింగ్ జంట. అన్ని తరహా క్రికెట్ లలో. AB de Villiers, Tilakratne Dilshan. ఏ టి20 జట్లలో ఐనా ఉండదగ్గ ఆటగాళ్ళు.

Daniel Vettori మన ధోనీయుల్ని గత పర్యటనలో టి20 మ్యాచుల్లో ఎంత ఏడిపించాడో మనకి తెలుసు. Glen McGrath ఎప్పుడైనా ప్రమాదకరమైన ఆటగాడే. ఎవర్రీన్ ఫాస్ట్ బౌలర్. దినేష్ కార్తిక్ గురించి మనకి తెలిసిన దానికన్నా తప్పకుండా ఎక్కువే ఆడగలడు. అసలు ఈ దఫా ఇతని ఆట గురించే రెండు టపాలు రాయవచ్చు. The quiet hero in this years IPL.

వీరికి తోడు, Dirk Nannes, Rajat Bhatia, pradeep Sangwan లాటి దేశవాళీ సంచలనాలూ, ఎక్కువ కల్పించుకోని కోచ్. చాలదూ? :-)

ఇప్పుడు వీళ్ళు సెమీస్ లో దక్కన్ ఛార్జర్స్ తో తలపడనున్నారు. హుషారైన సెహ్వాగ్ captaincy, వైవిధ్యమున్న బౌలింగ్, చురుకైన ఫీల్డర్లు, సమయానుకూలంగా ఆడగలిగిన batsmen, చూద్దాం వీళ్ళు ఎలా ఆడగలరో.

నా favorite టీమ్ ఇదే. మొదటి నుంచీ. KKR కూడా ఇష్టమే కానీ గంగూలీ కి ప్రాధాన్యం తగ్గగానే నా దగ్గర ఆ జట్టు ప్రాధాన్యం దెబ్బతింది.

RockOn My dear DareDevils!

Match కాగానే విశ్లేషణ.

'Man'ish పాండే సెంచరీ కుంబ్లేకి బహుమతి

2009-05-21T20:32:00.000-07:00

మనీష్ పాండే. ఎవరికీ అంతగా తెలియని పేరు ఇది. కానీ మహామహులకి సాధ్యం కానిది సాధించి, ముందుండి నడిపిస్తున్న తన కెప్టెన్, అనిల్ కుంబ్లేకి బహుమతిగా ఇచ్చాడు.

IPL లో ఇంతవరకూ ఏ భారత batsman కూడా సెంచరీ చేయలేదు. కానీ ఈ ఇరవై ఏళ్ళ కుర్రాడు సాధించి భారత్ తరఫున ఈ ఘనతని సాధించిన మొదటి ఆటగాడిగా చరిత్రకి ఎక్కాడు. అంతే కాదు, ఈ దఫాలో అత్యధిక వ్యక్తిగత స్కోరు సాధించిన ఆటగాడిగా కూడా రికార్డులకెక్కాడు.

కెవిన్ పీటర్సన్ ని కోట్లు పెట్టి కొన్నా సాధించని ఫలితం కుంబ్లే వల్ల సాధ్యం అయింది. జట్టు సభ్యుల్లో విజయ కాంక్ష రగిలించి, తానే ముందుండి నడిపించి మొత్తానికీ ఈ టపా మొదలెట్టే సమయానికి రాయల్ ఛాలెంజర్స్ బెంగళూరు ని సెమీస్ కి తీసుకుని వెళ్ళాడు.

ఈ విజయానికి సంబంధించిన ఘనతంతా అతనికే దక్కుతుందంటే అతిశయోక్తి కాదు.

సరైన ఫోటో దొరకటానికే చాలా సేపు పట్టిన ఈ కుర్రాడిలో ఎంత ధైర్యాన్ని నూరిపోసి నమ్మకాన్ని రగిలించి ఓపెనర్‍గా పంపి ఉంటాడు కుంబ్లే!

Captain cum Coach గా రాజస్తాన్ జట్టుని షేన్ వార్న్ ఎంత స్పూర్తి దాయకం‍గా నడిపించాడో అంతకన్నా చక్కగా కుంబ్లే బెంగళూరు జట్టుని విజయవిహారం చేయించాడు. షేన్ తానే అంతా అయి, తాను లేకుంటే జట్టు లేదనే భావాన్ని కలిగిస్తే (అందుకే ఈ సారి వాళ్ళు వెనుక పడ్డారు) అన్నీ తానే అయి, అన్ని చోట్లా తానే ఉన్నా, ఆటగాళ్ళని ఎక్కడా తన టవరింగ్ పర్సనాలిటీ తో డామినేట్ చేయకుండా వాళ్ళ ఇండివిడ్యువల్ నేచర్ దెబ్బ తినకుండా జాగ్రత్త వహించటమే కాకుండా వయసు కాదు, ఆ వ్యక్తి దీక్షా దక్షతలు ముఖ్యం అని నిరూపించాడు.

సరిగ్గా ఆరు నెలల క్రితం captaincy నుంచే కాదు, ఆటగానిగానే తప్పుకోవాలని చాలా మంది విమర్శకులు సూచించినా, తనదైన శైలిలో అప్పుడే వెళ్ళిపోయాడా అనే రీతిలో రిటైర్ అయిన కుంబ్లే, అప్పుడే అయిపొయిందా అని పించేంత వేగంతో ముగిసే ట్వెంటీ20 క్రికెట్‍లో ఆటగానిగానే కాదు captaincy బరువు బాధ్యతలను కూడా మోస్తూ తన సత్తాని నిరీపించుకున్నాడు.

అలాంటి కుంబ్లేకి ఈ సెంచరీ సెమీఫైనల్‍కి ముందు లభించిన గొప్ప బహుమతి. ఈ విధంగా తమ నాయకుని ఋణాన్ని మనీష్ పాండే తీర్చుకున్నాడు.

ONLY MASTERS THAT MATTER, WHO CREATE WONDERS. అన్న వింబుల్డన్ విలేజ్ సంప్రదాయాన్ని అనుసరించి ఈ విజేతల స్వర్గధామానికి ఆహ్వానిస్తున్నాను. (ఇంకా వ్రాయాలి)

గీతాచార్య

ఈ మధ్యే స్పెయిన్ లో జరిగిన ఒక టోర్నీ లో Roger Federer, Rafael Nadal మీద గెలిచాడు. ఎంతైనా తనూ ఒక చాంపియనే కదా. విజేతలెప్పుడూ ఓటమిని సహించరు. అందుకే ఈ సారి French Open లో Rafa గెలిచి మళ్ళా లెక్క సరిజేస్తాడులే. నో ప్రాబ్లం రాఫా ఫ

కుంబ్లేకి శుభాకాంక్షలు చెప్దాం

2009-05-21T04:26:00.000-07:00

భారత దేశం గర్వించ దగ్గ ఆటగాడు అనిల్ కుంబ్లే. మిలియన్లు పోసి కొనుక్కున్న ఆటగాళ్ళు ముంచేసినా, ఆపద్భాంధవుని పాత్ర పోషిస్తూ Royal Challengers Bangalore ని తన స్పూర్తిదాయక captaincy తో సెమీస్ ముంగిట వరకూ తీసుకుని వచ్చిన సందర్భంలో శుభాకాంక్షలు చెప్తూ ఈ ఆఖరి మ్యాచ్ లో ఏవిధమైన ఇబ్బందులూ లేకుండా సెమీస్ చేరాలని ఆశిద్దాం. ధోనీ, సెహ్వాగ్, లాంటి యువ captains తో పోటీ పడుతూ ఇంతవరకూ తన జట్టుని నడిపించటం చాలా ఆశ్చర్యంగానూ, ఆనందంగానూ ఉంది.

గో జంబో గో! ఇంటూ దా సెమీస్.

పెళ్ళైపోయింది.

2009-05-18T12:00:00.000-07:00

Thats all.

:-)

భై హో జాన్ బు’కుక్క’నన్ దిమ్మ తిరిగింది

2009-05-12T20:01:00.000-07:00

=

కిర్‍స్టెన్ పూర్వం

కొందరు భూస్వాములుండేవారు. సర్లే. భూస్వాములెందుకు కానీ వేరే రూపంలోకి వద్దాం. ఒక ప’హల్వా’న్ ఉన్నాడు. ఆడి దగ్గర కొంత మంది అదేదో నేర్చుకునే వాళ్ళు. ఆ నేర్చుకునే వాళ్ళు ఒకపాలి చుట్టుప్రక్కల ఊళ్ళలో పోటీలు పడి ఓ తగ గెల్చేశారు.

"మమ్మల్ని కొట్టే మొనగాడు ఏడీ ఏడీ ఏడీ" అని తెగ ఏడ్చి "లేరా మాతోటి గెలిచే వీరులెవ్వరురా? మగ ధీరులెవ్వరురా ఘనా ఘన శూరులెవ్వరురా?" అనుకుంటూ జబ్బలు చరిచి తొడ గొట్టి మీసం మెలేసి రెచ్చిపోవటం మొదలెట్టారు.

For every ప’హల్వా’న్ there always exists a పిట్టల్దొర అన్నట్టు, ఒక పిట్టల్దొర కొంత మంది కుర్రాళ్ళని వెంటేసుకుని వాళ్ళకి కొన్ని పిట్ట కథలు చెప్తూ, దారిలోకి తెచ్చి పోరాడటం నేర్పి వాళ్ళతో కల్సి వెళ్ళి ఆ ప’హల్వా’న్ ఊరు వెళ్ళి వాడి శిష్యులని సవాల్ చేసి గెల్చి వచ్చాడు.

పాపం కొంత కాలానికి ఆ పిట్టల దొర న కుర్రాళ్ళకి ఇళ్ళకాడ కాపలా ఉంటుందని ఒక ఆల్సేషన్ కుక్కని కొనుక్కొచ్చాడు. క్ఖర్మకాలి ఆ కుక్క ఆ ప’హల్వా’న్ గాడి ఊరిది. దానికి ఈ పిట్టల్దొర అంటే గుర్రు. మా ఊరోళ్ళనే కొట్టే మగాడా ఈడు అని. కానీ ఆ కుక్క ఈడు నిజంగానే మగాడని, ఆడు ఈ కుక్క పక్కూళ్ళోనే చొక్కా దీసి మరీ చూయించాడనీ మర్చిపోయినట్టున్నాడు.

కానీ కాలం ఖర్మం కల్సిరానప్పుడు అన్న టైపులో ఆ ఆల్సేషన్ కుక్క ఆ పిట్టల్దొర ఊళ్ళో ఒక గ్రహణం మొర్రి గాడిని అడ్డం పెట్టుకుని ఆ పిట్టల్దొరని ఊళ్ళో నుంచీ తరిమించేసింది. తగూలెడతాడు. అని.

మనోళ్ళాకి ఆ కుక్క బుద్ధి అర్థం అయే సరికి ఆ ఊరి పరువు కాస్తా పెపంచకం ముందు పోయింది. పక్కూరి బొడ్డూడని పిల్లగాళ్ళ చేతిలో ఓడిపోయారు.

నేను ఆ కుర్రాళ్ళని ఏదో చేసి యాడికో తీసుకుని పోదాం అంటె ఆళ్ళు ఆళ్ళళ్ళో ఆళ్ళే కొట్టుకుజచ్చి నా మాట ఇనలేదు. ఇక పాలి ఇలాంటి నాయాల్లకి నే జెప్ప అంటూ ఆ ఆల్సేషన్ కుక్క తన ఊరికి యెల్లిపొనాది.

ఆ పిట్టల్దొర మాత్రం తన మళ్ళా తన ఊరోళ్ళ మనసులు గెల్చుకుని తన పని తను చూసుకోసాగాడు.

కిర్‍స్టెన్ శకం ఎనిమిత్తొమిది సమ్వత్సరాలు

ఇండియన్ ప’హల్వా’న్ లీగ్ అని ఒక గుంపు జేరి ఇప్పుడు అదేదో ఆటలు ఆట్టం మొద్లఎట్టారు. ఒక బొల్లిచెక్క బుద్ధూషా ఆ పిట్టల్దొర ఊరి టీమ్ ని కొని ఆళ్ళకి ఆ ఆల్సేషన్ కుక్క ఊరిదే మరో డాబర్మాన్ కుక్కని తెచ్చి కాపలా బెట్టిండు. ఒక సమస్తరం ఎలాగో ఆగినా రెన్డో పాలి మాత్రం మల్లా ఆ పిట్టల్దొర మీద బడి రక్కినంత పని చేసి ఊళ్ళో నుంచీ తరిమేసి తస్సదియ్యా ఆ పోరగాళ్ళకి కోచింగిచ్చినాది కదా... ఇక బొడ్డూడని పిల్లగాళ్ళే కాదు. ఆళ్ళ కమ్టే సిన్నోళ్ళ జేతిలోకూడా నానా దెబ్బలూ తిన్నారు.

This is గీతాచార్య speaking

మనోళ్ళకి ఫారెన్ సరుకు మీద మోజెక్కువ. అందులోనూ ఈ మధ్య ఆస్త్రేలియన్ సన్నాసోళ్ళ మీద మరీనూ. వాళ్ళేదో గెలుస్తున్నారు కదా వాళ్ళ స్పిరిట్ ని అందుకోండిరా అంటే ఊఁహూఁ వాళ్ళ కేతిగాళ్ళని తెచ్చుకుంటున్నారు. వాళ్ళ ప్రధాన లక్ష్యం వాళ్ళని కూడా గెలవ వచ్చు అని చూపించిన గంగూలీ. అందుకే అందిన అన్ని వనరులనీ ఉపయోగించుకుని ఎక్కడ సందు దొరికినా గంగూలీ మీదకి తెస్తారు.

ఐనా కల్కటాకి McCullum ఎలా కెప్టైన్ అవుతాడు? తన జట్టుకే కెప్టైన్ కాలేని వాడు?

Too many cooks అని సామెజ్జెప్పిన ఇంగ్లీషోడే మల్లా బహుళ కెప్టెన్సీ తేవటం ఏమిటి?

దేశం లో ఎవరూ లేనట్టు ఆ జాన్ బు’కుక్క’నన్ గాడే ఎక్కడ దొరికాడు బొల్లిచెక్క బుద్ధూషా కి?

గట్టిగా కొత్త వ్యూహం పన్నితే సమాధానం చెప్పలేని బు’కుక్క’నన్ గాడు (బూడిద సీరీస్ 2005 యాదికి దెచ్చుకోండి reverse swing దెబ్బ) గంగూలీ జట్టుకి కేతిగాడా?

ఎవరిని ఎప్పుడు ఎలా ఉపయోగించాలో గంగూలీ కన్నా ఆ ఘోస్ట్రైడర్స్ జట్టులో ఎవరికి తెలుసు?

మన జాతీయ హీరోని ఒక ఆస్త్రేలియన్ కేతిగాడు అవమానిస్తుంటే మనకి పండగ. బెంగాలీలు ప్రశ్నిస్తే మనకి బాధ. మనం సన్నాసోళ్ళం. సరే. బెంగాలీల మీద పడి ఏడవటం దేనికి?

ఐనా ఇది Indian Premiere Leaగా లేక ఆస్త్రేలియన్ ప్రీమియర్ లీగా? మన కుర్రాళ్ళకి అంతర్జాతీయ అనుభవం రావటం ముఖ్యోద్దేశ్యం (???) అని చెప్పబడే ఈ పోటీల్లో ఇంకా విదేశీ ఆటగాళ్ళు ఉండాలని ఆ బు’కుక్క’నన్ అంటే మన వాళ్ళకి చీమైనా కుట్టినట్టుండదా?

ఆఖరికి Stefen Fleming నయం. ఇది భారతీయ కుర్రాళ్ళకి ఉపయోగ పడాలి కానీ ఇదేమీ World premiere League కాదు అని చెప్పాడు. గంగూలీ మీద ఆస్త్రేలియన్ కేతిగాళ్ళకి ఉన్న కోపం జగమెరిగినదే. ఐనా మన వాళ్ళకి సిగ్గు శరం ఉండదు.

అందుకే మన మీద పడి ఆ బు’కుక్క’నన్ గాళ్ళు రాజ్యం ఏలుతున్నారు.

ఈసారి ఏమైనా Kolkata Ghost Riders ఒక్క match కూడా గెలవకూడదు. నిన్న కుంబ్లే టీం మంచి షాక్ ఇచ్చింది. చిత్తు చిత్తు కావాలి ఎవరన్నా ఓ రెండొందల పరుగులతో వాళ్ళని ఓడించాలి. అప్పటికి గానీ తన వల్ల కాదు గెల్చింది... వార్న్, McGrath లాటి హీరోల వల్లా, Steve Waugh లాటి సారథుల వల్లే ఆ విజయాలు సాధ్యం అయ్యాయని బు’కుక్క’నన్ కి తెలిసిరాదు.

సెగ్గీ నువ్వే పూనుకుని ఆ పని సాధించాలి. గురువు ఋణం aతీర్చుకో.

టేలర్ కొట్టిన దెబ్బకి ఆ pబు’కుక్క’నన్ కి దిమ్మతిరిగింది.

గంగూలీ ని వెనకేసుకుని రావటం నా Brahminical prejudice అన్న నా మిత్రుడొకడు బు’కుక్క’నన్ అన్న మాటకి అభ్యంతరం చెప్పాడు. కానీ అరగంటయ్యాక వాడే మాటలసందర్భంలో మాదిగ NK (క్షమించాలి) అన్న పదం వాడాడు. అప్పుడు నాకు ఒకటి గుర్తొచ్చింది. ఐనా ఆస్త్రేలియన్ జాతోళ్ళ సంస్కార హీనత్వం గురించి చెప్పలేం.

ఒక చిన్న కథ. నిజంగా జరిగింది.

ఒక International Conference కి వెళ్ళాను. అక్కడ 2003 world cup final లో Ricky Ponting అంతలా రెచ్చిపోయి ఆడటానికి కారణం గంగూలీయే కారణం అని ఓ Astralian మిత్రుడు (బాలకృష్ణ మిత్రుడు కాదు) అన్నాడు.

ఎలా అంటే లార్డ్స్ లాంటి పవిత్ర (??? షాంపేన్ బాటిళ్ళతో...) మైదానంలో చొక్కా విప్పి అపవిత్రం చేసిన గంగూలీ ఈసారి ఏకంగా ప్రపంచ కప్పే గెలుస్తే పాన్ట్ విప్పదీసే లాంటి ఆటవిక పని చేస్తాడని భయపడ్డాడు అని.

మరి ముమ్బై మనకి పవిత్రం కాదా? ముమ్బాదేవి పేరు కదా? ఫ్లింటాఫ్ చేసింది? అది ఆటలో భాగమైతే గంగూలీదీ అంతే కదా.

అందులో ఆటవికం ఏముంది? ఇదీ Astralian ల mentality.

బు’కుక్క’నన్ గురించి వార్న్ చేసిన, గవాస్కర్ చేసిన వ్యాఖ్యలు గుర్తున్నాయా?

అగార్కర్ ని జాతివివక్ష వ్యాఖ్యలు చేయటం సంగతేంటి మరి?

కాలం గెలిచిన మానవుడు (కొసరు కవిత)

2009-05-12T15:02:00.000-07:00

టైం చాలదు...
టైమ్ చాలదు...

ఆహా ఏమి జోక్.
భలే చెప్పావబ్బాయీ.

కాలాన్ని సృష్తించిందే మనిషి.
తను సృష్టించిన దానినే గెలవలేని వాడు
ఇక ఎలా మనుగడ సాగిస్తాడు?

Time is created by man
But running behind it like a fan.

Why can't he understand that
It was indeed his slave,
And he made it when he was in the cave.

Be on par with you boy,
and master Time,
It will make your life a joy.

అనంతరామ శర్మ ఆత్మకథ - 2

2009-05-10T08:13:00.000-07:00

నా పేరు అనంతరామ శర్మ. మీకు తెలిసే ఉంటుంది. మీకందరికీ మీదైన ప్రపంచం, బాహ్య ప్రపంచం నాకు మాత్రం ఉన్నది ఒకటే ప్రపంచం. అదే సంగీతం.

ఈ ప్రపంచం లో హిమనగర, సాగర చందమున ఎన్నియో ఎత్తుపల్లములున్నవి. సంగీతము నందునూ స్వరములందు హెచ్చుతగ్గులున్నవి. అలాగే నా జీవితంలోనూ ఎత్తుపల్లాలున్నాయి. కానీ నా జీవితం సంగీతమే కావటం నా అదృష్ట దురదృష్టమో లేక దురదృష్ట అదృష్టమో. నా జీవితంలోని అన్నిఎత్తులూ, ఉన్నా ఒకేఒక్క ఒక్క పల్లమూ, (నీరు పల్లమెరుగును అంటారు. ఒక సారి పల్లపు మార్గము పడితే ఎంత మాత్రం ఎగువకు చేరలేదు. జీవితంలో ఎగువకు వెళ్ళలేదు. నేనూ నీరైపోయాను. అసూయతో. ఇక నా జీవితం పల్లానికే దారి తీసింది. అదే నా పతనం.) సంగీతం వల్లనే.

ఆ కుర్రాడు ఎంత మాటన్నాడు. నన్ను పీటర్ కీటింగ్! అసలు వాళ్ళు తెలిసే అనగలిగాడా? ఆ మాటన్నప్పుడు నా సహధర్మచారిణి కూడా అవాక్కయింది. నాకైతే ఒక పిడుగు నా నెత్తిన పడినట్టయింది. ఈ అనంతరామశర్మ కీటింగ్? అదే ఒకప్పుడైతే ఎవరన్నా నా ముందు నిలబదాలంటేనే భయపడేవారు. నాకు సన్మాన సత్కారాలు చేసేటందుకు వేచి చూసేవారు. అచ్చు శంకర శాస్త్రి మాదిరిగానే. నేనూ ఆయన మాదిరిగానే సంగీతంలో మునిగిపోయాను. నా సర్వశక్తులూ దానిమీదే ఒడ్డాను. శంకర శాస్త్రి కన్నా నేను ఎందులో తక్కువ? ఆయన Roark. మరి నేను కీటింగ్? ఎంత అవమానం?

జీవితంలో పతనమైయ్యాను కానీ, మరీ ఇంతలానా?

అసలు సంగీతమంటేనే తెలియని ఒక సాధారణ యువకుడు నన్నంత మాట అంటాడా? సరిగమలు తెలుసునోలేదో? కీటింగ్! కీటింగ్! కీటింగ్! This is cheating. ఒకసారి తప్పు చేసినంత మాత్రాన ఎప్పుడూ తప్పు చేస్తారని నియమేమన్నా ఉన్నదా? అని నన్ను ప్రశ్నించిన వాడు! ఇప్పుడిలా అంటాడా? అవునులే. ఒకసారి పతనమైన మనిషంటే అందరికీ చులకన. ఎన్ని వత్సరములు గడచినా… అనంతరామ శర్మ అంటే… ఒక అసూయా పరుడు. ఒక చిన్న పిల్లాడి మరణానికి కారణమైన నీచుడు. అంతే కానీ నా సంగీత పరిజ్ఞానం, అపరిమిత విజ్ఞానం ఎవరికీ పట్టవు. అసలు ఎవరూ తప్పులే చేయనట్టు.

నాకు పద్మ అవార్డు వచ్చినప్పుడు నేను దానిని తిరస్కరించటమే తెలుసు మీకు. కానీ నాకు కలిగిన ఆవేదన ఎవరికనా పట్టినదా? నాకన్నా అర్హతలు తక్కువ ఉన్న వ్యక్తులతో పాటూ నాకు ఇస్తే నేను ఎలా స్వీకరిస్తానని అనుకున్నారు?

అవును నేను సంగీతంలోనే మునిగిపోయాను. నిజంగానే మునిగిపోయాను. బయట ప్రపంచం తెలియనంత. Child prodigy కావలసిన వాడిని నేను నా అసూయతో అంతం చేశానని అసూయ అంటే తెలియదని చెప్పుకున్న ఆ కుర్రాడు అన్నాడా? అనలేదు. కానీ జనం అన్న ఆ మాటని నేనంత మరిచిపోజూసినా కుదరని పరిస్థితులు. కానీ నేనొక child prodigy ని కాదా?

కీటింగ్ కి అసలు వాస్తునిర్మాణ శాస్త్ర పరిజ్ఞానం లేదే? అతడు ఒక పరాన్న భుక్కు. కానీ నేను ఎన్నో, ఎన్నెన్నో గీతాలనూ, క్రుతులనూ కూర్చాను. ఎందరినో నా గాత్ర మాధుర్యం తో అలరించాను. ఏ గంగాధరం మరణానికి నేను కారణమయ్యానో… (హత విధీ…! నన్ను నేనే నిందించుకుంటున్నానే…? ఎంతలా దిగజార్చారు నన్ను జనులు?) కాదు కాదు, కారణమని నిందలు ఎదుర్కున్నానో ఆ గంగాధరాన్ని చేరదీసినది నేను కాదా? కోతికొమ్మచ్చులాడే వాడిని ఒక దారిలోపెట్టింది నేను కాదా? అవన్నీ…. ఎందుకులే.

నా జీవితాన్ని చెపుతాను. వినండి ముందు. నా బాల్యం అంతా సంగీతోపాసనలోనే గడచినది. నా యౌవ్వనమంతా కూడా అందులోనే కరగిపోయింది. నాకు సంగీతం తప్ప వేరేదీ లేనంత గా అది నా జీవితంలో పెనవేసుకుని పోయింది. ఎంత శ్రమ పడ్డాను. ఎంత పరిశ్రమ చేసి నిర్మించుకున్నాను నా సంగీత సామ్రాజ్యాన్ని? అందులో మకుటం లేని మహా రాజు లా ఎదిగిపోవాలని ఎన్ని కలలని కన్నాను? (మకుటం ఉన్న మహా రాజైతే ఏమన్నా ఇబ్బందా అనే ఆ కొంటె కోణంగా నన్ను కీటింగ్ అన్నది!)

వివాహం అయినది. సహధర్మ చారిణి వచ్చింది. సంగీత పరమపద సోపానంలో నిచ్చేనలని ఎక్కే పని మీద ఉన్న నేను నా వయసునీ దాని హోరునీ పట్టించుకోనేలేదు. అలా నా జీవితం గోదారిలా, నిండు గోదారిలా ఉరకలు పరుగుల మీద సాగిపోతున్న తరుణంలో నాకు ఒక అడ్డు ఎదురైంది. గంగాధరం. నా సంగీత స్వరగంగా ప్రవాహానికి అడ్డుకట్టలా అవతరించాడు వాడు. గరళ కంఠుని పేరు పెట్టుకున్న వాడు నాలో నిలువెల్లా అసూయ అను విషమును నింపాడు. ఎందుకు? ఎందుకలా?

ఆ అసూయే నా జీవిత గమనాన్ని ఛిద్రం చేసింది. అసలు నాకు సంగీతమే తప్ప వేరొకటి తెలియనప్పుడు అసూయ ఎందుకు కలిగింది? ఎందుకలా? ఏమైంది నాకు. గొంతు తడారి పోతున్నది. వళ్ళంతా మంటలు పుట్టుచున్నది. మెదడు మొరాయిస్తున్నది. మనస్సంత సెగలు. హృదయం దహించుకుని పోతున్నది.
పైకి గాంభీర్యం. లోన అసూయ సెగలు. అసూయ నా మీద తన ప్రభావాన్ని చూపించటం మొదలెట్టింది. ఎందుకలా?

Hellow! Hellow! Dear Venkat! Let me speak. Let me speak for a while. Gimme a breathing space. ఆయన ప్రశ్నల పరంపరని నేను ఎదుర్కోగలను. నన్నూ మాట్లాడనీ. Don’t let him to blame me for calling him Peter Keating. I have my strong reasons. I wanna share my reasons. That’s why I came here. Hellow! Hell….

కాస్త ఆగమ్మా! పెద్దాయన కదా ఆయనని చెప్పనీ. నీకవకాశం ఎప్పుడూ ఉంటుంది. చెప్పక పోతే రాయొచ్చు. ఆయన మన అతిథి. తన భావాలని మనతో పంచుకునేటందుకు ఇక్కడకి వచ్చారు. Let him do it. Then you will be given your time.

అవును సంగీతమే నా ప్రపంచం. అందులోనే నా సర్వస్వాన్నీ ఒడ్డాను. కానీ గంగాధరం? అతిచిన్న వయసులోనే… నేను సాధనలో మునిగిన వఆయసులోనే ఆ స్వరగంగా ప్రవాహాన్ని, తన మస్తిష్క జటాజూటంలో బంధించటమే కాక… ప్రేక్షక, శ్రోత భగీరధులకి పంచనారంభించాడు. ఆ స్వర విపంచిని చూశాక నాలో ఒక అభద్రతా భావం వెన్నాడనారంభించింది. నా సంగీత ప్రపంచపు పునాదులు కదలనారంభించినాయి. మకుటం లేని మహారాజైన నాకు నా కిరీటం జారునేమో అన్న భావం ఎప్పుడు కలిగిందో నాకు విచక్షణ నశించనారంభించింది.

విచక్షణ లేని మానవడు పశువుతో సమానం. అంటే నేను ఆ రోజులలో పశువునయ్యాను. నాకు సంగీతమే ప్రపంచమెలాగో… ఆ గంగాధరానికీ అంతే. కానీ మా ఇద్దరి మధ్య తేడా ఎక్కడి నుంచీ వచ్చింది? ఎక్కడ మా మధ్య తేడా?

అందుకే గిమ్మీ ఏ ఛాన్స్ టూ స్పీకే వర్డ్. మీకు సంగీతమే ప్రపంచం. అందులోకి మీరు కోరి వచ్చారు. పరిశ్రమ చేసి సాధించారు. అందుకే మీకు అహం పెరిగింది. ఎక్కువ తక్కువ లు కనిపించ సాగాయి. అంటే మీరు జనానికి విలువ కట్టటం ప్రారంభించారు. అంటే మీరు ఇతరులని లెక్క చేయటం ప్రారంభించారు. మీ స్వీయ గౌరవాన్నీ, … What I mean to say is that, you lost your sense of self respect, and were valuing yourself by taking others as standards. అదెప్పుడు మొదలైందో అప్పుడే మీరు మిమ్మల్ని కోల్పోసాగారు. మీ ఆలోచనలంతా గంగాధరమే నిండాడు. అతనికి జనం కొట్టే చప్పట్లే మీ చెవులలో ప్రతిధ్వనించసాగాయి. ఇక మీలో సంగీత జ్ఞానానికి స్థానం ఎక్కడ ఉన్నది?

స రి గ మ లు మీలోంచీ బయటకు రాగా వాటి స్థానం లో గంగాధరం అనే నాలుగాక్షరాలూ చేరాయి. అం..టే… అక్కడ అనంత రామ శర్మ లేదు. ఉన్నది గంగాధరమే. అంత మాత్రాన మీరిద్దరూ ఒకరిలో ఒకరు ఏకమై త్వమేవాహం అని అనుఉంనారా? అంటే అదీ లేదు. అతని సంగతి నాకు తెలియదు కానీ ఈ కొద్ది పాటి పరిచయం లో మీ గురించి నాకు అర్ధమైన దానిని బట్టీ… మీలో రెండు పార్శ్వాలు బయట పడ్డాయి. గంగాధరం. అనంతరామ శర్మ. అనంతరామ శర్మ native place లో గంగాధరం ఒక వైపూ, ఉల్టాగా మరో వైపూ… ఇది చాలదూ సంఘర్షణ మొదలవటానికి? మీలోని అహంకారి ఆ గంగాధరాన్ని తరమ లేక పోయాడు. అందుకే ఆ అనంతరామ శర్మ బయట ఉన్న గంగాధరం మీద పడ్డాడు. మీరా గంగాధరం లా ఉండలేరు. (ఒక సెలయేరులా… పిల్ల తెమ్మెరలా… ఆ ఈజ్ మీలో లేదు. రాదు. ఎందుకంటే మీరు సంగీతాన్ని కశతపది సాధించగా, ఆతనిలో అది అలవక గా వచ్చి చేరింది. మీది సంగీత ప్రపంచం, ప్రపంచమే ఆతని సంగీతమైనది. అదుకే చెట్లూ, పుట్టలూ, అన్నీ, ఈ ప్రకృతంతా ఆతని నేస్తం. అందుకే మీకు అతని మీద అసూయ కలిగింది..

అగ్గి రగిలింది. ఏదోకటి కాలకుండా ఆగాడు. మీ వ్యక్తిత్వం కాలనారంభించింది. దాన్ని ఆర్పుకోవాలంటే మీకు సెలయేటి లాంటి గంగాధరం కావాలి. అందుకే అతనిని మీ ఇంటికి తీసుకుని వెళ్ళారు. అక్కడే…

You know? Happy men are the free men. And if you want to destroy a person of his happiness, first you gotta destroy his source of happiness.

అందుకే గంగాధరానికి మీరొక పనిని అప్పగించారు. అతను అలవోకగా సాధించగానే, మీరు అతనిని తప్పు పట్టారు. He knew that he did that work his heart out. He knew, what he did was the best possible thing. కానీ మీ వల్ల అతనిలో ఒక దోషం ఏర్పడింది. అంతకుమునుపు అతనికి అతనే జడ్జ్. కానీ ఇప్పుడు అతనికి మీరొక ప్రమాణం అయ్యారు.అతనికి మిమ్మల్ని సంతృప్తి పరచటమే ప్రయారిటీ అయ్యింది. సంగీతం బ్యాక్ సీట్ తీసుకున్నది.

(సశేషం)

గమనిక: ఈ వ్యాసము ఇంతకుమునుపు నవతరంగం లో ప్రచురితమైనది. నేను విజయ విశ్వనాథం సీరీస్ లోని వ్యాసాలను నా పర్సనల్ బ్లాగ్ లో unedited form లో పెట్టి దానిని ఎడిట్ చేసుకుని నవతరంగం లో పెడుతున్నాను. కారణం నాకు కొన్ని అవసరమైన పాయింట్స్, ఆ సమయం లో నా ఆలోచనలు ఎలా ఉన్నాయి అన్నది నాకు ఒక remainder లాగా ఉండటానికి అలా. అంతే కాక ఆ వ్యాసాలన్నీ ఒక వరుసలో ఒకే చోట ఉంటే బాగుణ్ణు అని కూడా నా ఆలోచన.

కానీ ఈ వ్యాసం ఎలాంటి ఎడిటింగ్స్ అవసరం లేకుండానే వచ్చింది. అందుకే నవతరంగం లో ముందుగా పెట్టాను. ఇప్పుడు నెల రోజులు దాటింది కనుక ఇక్కడ పెడుతున్నాను. ఎవరన్నా నవతరంగం తెలియని వాళ్లు చూస్తారు.

ఈ పరంపరలో నా ముఖ్యోద్దేశ్యం నా మొదటి పోస్ట్ లో తెలిపిన విశ్వనాధ్ సినిమాల్లోని గురువుల characterization ని విశ్లేషించాలని. ఐతే కొన్ని సార్లు నేను అనుకున్నా దానికన్నా deeper philosophical and psychological motives ని నేను అబ్సర్వ్ చేశాను. అందుకే నాకు ఇది కాస్త తలకు మించిన భారం ఐంది. అదే నా ఆలస్యానికి కారణం. నేను పూర్తి సంతృప్తి గా ఒక వ్యాసం పూర్తి ఐంది అనుకున్నాక, కాస్త self-sufficiency వచ్చింది అనుకున్నాక పోస్ట్ చేస్తున్నాను. కనుక నా ఇబ్బందులని గమనించి ఆలస్యానికీ, irregularity కి గల కారణాలను అర్థం చేసుకుంటారని నా ఆశ.

ఎవరికన్నా నేను పోస్ట్ లు ప్రచురించేతపుడు remainder కావాలంటే... ఇక్కడ మీ ఈమెయిల్ లేదా ఈమెయిల్ ఇవ్వటానికి అభ్యంతరం ఐతే మీ బ్లాగ్ చిరునామాని ఉంచితే నేను మీకు లింక్ పంపుతాను.

ఖడ్గగీతం

2009-05-06T05:18:00.000-07:00

ఈ కవితని కొంతమందన్నా చూసే ఉంటారు. చూడక పోతే ఇప్పుడు చూడొచ్చు.

"నేను జీవితం గడపటాన్ని ఇష్టపడను...
జీవించటమే నా ధ్యేయం.

నేను ముందు నడుస్తుంటే...
నాకేమి ఇస్తుందా అని...
కుతూహలంతో నన్నది అనుసరించాలి.

అమెజాన్ ఎదురుగ ఉన్న నాకు
లక్ష్యం ఆవలి ఒడ్డునుంటే...
ఈత రాని నేను ఎలా చేరేది?

నేనంటే నాకు చాలా ఇష్టం...
లక్ష్యం లేని జీవనం ఎంతో కష్టం.

అందుకే దూకాను ఈతరాని నేను
ఆ పెద్ద నదిలో...
సాధించాలనే ఆశల సడిలో.

చిత్రం చేరాను నా కల(ళ)ల తీరాన్ని
చదివేశానిక జీవితాన్ని.

అప్పుడర్ధమైంది నాకు
జీవితమంటే ఎదో కాదని...
అది ఒక కలల పందేరమని,
అంబరాన్నంటే సంబరమని."

ఇది నేను వ్రాసుకున్న "The Song of My Life" అనే లిరికల్ ప్రోజ్ లోని మొదటి, చివరి స్టాన్జా లకి స్వేచ్ఛానువాదం.

దాని ఒరిజినల్ ఆంగ్ల మూలం ఇది.

I don' wanna live my life...
I wanna lead it...
so that It must wonder
What I'm gonna give it.

*** *** ***

Then I came to know,
What the life is...
Life's a celebration...
Or Celebration of life,
IN THE NAME OF THE BEST WITHIN US.

మధ్యలో కొన్ని కొన్ని లైన్లు కూడా అనువదింపబడ్డాయి. కాకపోతే కాస్తెక్కడో తెగిన భావన. అనువాద కర్త చాలా కూల్ గా హాయిగా అనువదించి, ఆ ఎగ్రెషన్ ని అంతలా క్యాచ్ చేయలేక పోయానని నిజాయితీగా ఒప్పుకున్నారు. దానికో కారణం కూడా ఉంది. మధ్య మధ్యలో కొన్ని వాక్యాలని కూడా ఇందులో చేర్చటం.

ఇందాకెందుకో నేను మళ్ళా ఆ అనువాదం వద్దకు వెళితే కత్తి మహేష్ కుమార్ గారు ఆ ఇచ్చిన తొమ్మిది ఆంగ్ల వాక్యాలకీ అద్భుతమైన అనువాదం చేశారు. చివరి రెండు వాక్యాలు తప్ప మిగతాదంతా చెప్పలేని అనుభూతిని నాకు కలిగించాయి. అందుకే ఇలా మీతో పంచుకోవాలని ఇక్కడ అయన వ్రాసిన భాగం కూడా పెడుతున్నాను.

ఒకటి మాత్రం నిజం నేనే అనువదిస్తే వచ్చే ఫ్లేవర్ వేరుగా ఉంటుంది.

కత్తి గారి కవితానువాదం. ఇవాళ ఆయన చాలా చక్కని కవితలని వ్రాశారు. ఇది కూడా చూడండి.

జీవితాన్ని జీవించడం కాదు
సాధించడం నా ధ్యేయం
జీవితం నాకేమిస్తుందని కాదు
నేను తనకేమిస్తానో అని జీవితాన్ని
ఎదురుచూసేలా చెయ్యటం నా లక్ష్యం

ఆ తరువాత తెలిసింది
జీవితం సాధన కాదు
శోధన అంతకన్నా కాదు
జీవితమొక ఉత్సవం
జీవనమూల్యాన్ని
తెలుసుకునే సంబరం

మొత్తం 107 లైన్లున్న ఆ ఆంగ్ల Lyrical prose ని నేను ఇక్కడే త్వరలోనే ప్రచురిస్తాను

గీతాచార్య

కోట్రు మందూ, గుప్పెడు బీడీలూ... ఒక వోటరు ఆత్మ (లేని) కథ-1

2009-04-14T11:50:00.000-07:00

సమయం సాయంత్రం నాలుగు గంటలు.

ఆంధ్రా బాకు దగ్గర మెయిన్ రోడ్డు.

జనం పల్చగా ఉన్నారు. భానుడి తేజం ఉధృతంగా ఉండి బయట ఉన్న వారికి నాలుకలు పిడచకట్టుకుని పోతున్నై. కాస్త పురుగుల మందుతో నైనా దాహార్తిని తీర్చుకొందే జీవాత్మ గాడు పరమాత్మ దగ్గరకి పరిగెడతానంటున్నాడు. అందరిదీ అదే పరిస్తితి. అందుకే, "నాన్నా పందులే గుంపుగా వెళ్తాయి. సింహం సింగిల్ గా వెళ్తుంది." అని దాన్ని బుజ్జగించి పక్కనే ఉన్న పెస్టిసైడ్ షాపులోకి వెళ్లి ఒక సూపర్ బాటిల్ అడిగాను. (స్ప్రైట్). అది త్రాగి ఇలా బయటకి వచ్చానో లేదో ఆటో ఒకటి ఎదురుగా వస్తోంది. కాలేజ్ కి వస్తుందా అని అడిగాను. వాడు పట్టించుకోకుండానే వెళ్లి పోయాడు.

"మీ అభిమాన యువజన నాయకుడు, పే(ద్ద)దల పాలిటి పెన్నిధి, బ(బుడుంగు)డుగు జీవుల ఆశా జ్యోతీ, రైతుమిత్ర (బాలకృష్ణ మిత్రుడు సినిమా కాదు), కరంట్ ఎఫైర్స్ లో దిట్ట, వైనో రామ్ చరణ్ రెడ్డి గారి అతి గొప్ప భారీ పెద్ద బిగ్గెస్ట్ బహిరంగ సభ రేపు మన ఊళ్ళో జరగ బోతోంది. కావున యావన్మంది గొర్రెలారా...! మీరెల్లెడరూ వచ్చి, వారి దివ్య ప్రసంగాన్ని విన స్వస్థత పొంది ఓటు మాకే వేయవలసిందిగా ప్రార్ధన."

"ఈడబ్బ! ఛీ ఈల్లవ్వ. ఓ కోట్రు మందివ్వరు, గుప్పెడు బీడీలివ్వరు. ఓటెయ్యాలంట. ఓటు. తేరగా కూకున్నాం ఈడ్న. ఉత్తినే ఓటేసేడానికి. అయినా ఈది దేముంది తమ్ముడూ. ఈడు బానే పంపుతాడు. మద్దెలో ఈ కారేకర్తలున్నారే. ఆల్లు. ఆల్లంతా మింగి మాకేమీ ఎత్తరు."

నేను ఇలా ఒక చెవి అటు పడేసి, తలూపుతూ మరో వైపు బస్ ఎప్పుడు వస్తుందా అని ఎదురు చూడ సాగెను.

"ఈ నా కొడుకులు, ఓటేసినాక మళ్ళా అగుపించ్రు. ఇప్పుడన్నా కాస్త చుక్కీవచ్చు. కాసింత బిర్యానీ పెడితే బావున్ను."

"అవును." తలూపాను. నాకీ ఎలక్షన్లంటే అంత ఆసక్తి లేదు. ఓటేయాలనే నా ఆసక్తిని ఎలక్ట్రానిక్ ఓటింగు యంత్రం (రజనీ కాంత్ యంత్రం కాదు) కాస్తా మింగేసింది. పాపం అందరు అభ్యర్థులూ వస్తారు ఓటడుగుతారు. మనింటికి వచ్చి అడిగిన వారిని కాదు లేదు అనటం మన ఇంటా వంటా లేదాయే. అందుకే అందరికీ ఓటేస్తాం అంటాను. మరి ఇచ్చిన మాట నిలబెట్టుకునే వాడే కదా రజనీ భాషలో మగాడు. వేరే ప్రూఫులు చూపెడితే బావోదు కనుక ఇచ్చిన మాట నిలబెట్టుకుంటమే మంచి ప్రూఫు. అప్పుడంటే ఆ వోటింగ్ కాయితాలుండేవి. ఇంచక్కా అన్ని పార్టీల వాళ్ళకీ ఓటు వేసేవాడిని. ఇప్పుడు ఓటింగు యంత్రం ఆ అవకాశం ఇవ్వదు. మాట నిలుపుకోలేనప్పుడు అసలు పనే చేయకుండా ఉంటే మంచిది కదా. అందుకే నాకు ఎలక్షన్లంటే అంత ఆసక్తి లేదిప్పుడు.

"ఆకలౌతోంది తమ్ముడూ కాస్తేమన్నా ఇవ్వు తమ్ముడూ."

*** *** ***

సమయం రెండున్నర. బాగా వేడిమీదున్నాడు Sun-in-Law.

"ఏంటి మేడం గారు, అన్నం పారేస్తున్నారు," స్టూడెంట్ ని పలకరించాను.

"చాలా స్పైసీగా ఉంది సార్. తినలేకుండా ఉన్నాను."

"అంతన్నం పారేసేబదులు వేరే ఏమైనా కూర వేయించుకోవచ్చు కదా. అయినా మీ సికాకులం వాళ్లకి అంత ఇబ్బందిగా ఉందా మా గుంటూరు మిర్చి?"

"అన్నమే కదా సార్. కొంచానికే ఏముంది?" (అవును కొంచమే. ఒక మనిషి రెండు సార్లు కలుపుకునే అన్నం).

కాలేజ్ గేటు బైట ఒక ముసలమ్మ. వాచ్మన్ తో. "బాబయ్యా! ఆకలేస్తోంది. తిన్డానికేమన్న ఇప్పించండి."

"ఎళ్ళెళ్ళవమ్మా! ప్రతీఓరూ ఇల్లాగే వచ్చి అడుక్కోటమేను."

ఎన్డగాఉంది. నాలిక పిడచగట్టుకుని పోతోంది. గుక్కెడు మంచినీళ్ళైనా పోయించండి. పానం పోయేలాగుంది."

ఒక పది సార్లు బతిమాలిన్చుకున్నాక కాసిని నీళ్ళు ఇచ్చాదు. అవీ వేడిగానే ఉన్నై. చివరికి నేను ఒక స్టూడెన్ట్ ని పంపేదాకా ఆవిడ దాహమ్ తీరలేదు. ఇవీ మనమ్ పెద్ద వాళ్ళకి చేసే ద్రోహాలు.

*** *** ***

సాయంత్రం. సమయం ఐదూ ఇరవై. కాలేజీ బస్సులో.

"సార్! మీకు ఓటరు కార్డుందా?"

"లేదమ్మా!"

"అదేంటి సార్?"

"తీసుకోలేదు."

"మరి మీకు ఐడెన్టిటీ ఎలాగా?"

"నాకు పాస్పోర్ట్ ఉంది. పాన్ కార్డ్, డ్రైవింగ్ లైసెన్స్ ఉంది."

"సార్! ఇది నా ఓటరు కార్డు. చూడండి."

నేను నా చేతిలోకి తీసుకుని చూశాను. మా కొలీగ్ కూడా చూశడు. నాకు ఆశ్చర్యం. అచ్చం వాడే. నిజంగా వాడే. నా జీవితంలో ఓటరు తనలాగే ఓటరు కార్డు మీద రావటమ్ అనే అద్భుతాన్ని చూసింది అక్కడే. దాన్తో బోల్డు చాలా కొంచెం అన్నాను. "చూడండి. అచ్చంగా వీడే."

"అవును సార్! అచ్చంగా వీడే." చూసిన వాళ్ళంతా ముక్తకంఠంతో అన్నారు.

"ఉరే నీకెక్కడిదిరా ఓటు?" ఒకడడిగాడు. నాకా డౌట్ ఇంకా రాలేదు. ఆ ఆశ్చర్యంలోనే ఉన్డటమ్తో నాకా ప్రశ్న ఉదయించలేదు.

"మా ఊళ్ళో నాకు రెండు ఓట్లున్నాయ్. కొత్తపేటలో ఒకటీ. మా ఇంటి కాడ ఓటీ."

"నీకు అంత ఏజ్ లేదు కదా? ఎలా వచ్చాయి?"

"మా ఎమ్మెల్యే అబ్బెర్ది ఇంటి కాడకొచ్చి ఓటడిగాడు. మావోడికి ఓటు, మాకొక్కతలకీ అయిదు యేలు ఇస్తే మా ఓట్లన్నీ మ్మీయే గురూగారూ," అన్నాడు. అంతే. మూడు రోజుల్లో మా ఇంటి కాడకే నా ఓటు కార్డూ, ఓ ముప్పీ యేలొచ్చినాయి."

"డబ్బు తీసుకోవటం తప్పుకదరా?"

వాడు నన్ను గెడ్డమ్ లేని చంద్రబాబునీ, ఎన్టీయార్ పేరు లేకుండా ప్రసింగించిన బాలకృష్ణనీ, వైనో చిరంజీవి రెడ్డి మీదా ఆరోపణ చేయని ఆంధ్రజ్యోతి పత్రికని చూసినట్టు చూసి అన్నాడు. "మీరు భలే వోళ్ళు సార్! నాయాల్ది ఆళ్ళు ఇచ్చేది ఇప్పుడే గందా సార్. ఓట్లయ్యాక మాకు ముహం అన్నా చూపెట్టరు. అందుకే దొరికినప్పుడే దండుకొవాలి గానీ తప్పు నుకుంటె ఎలా?"

(ఇంకా చాలా ఉన్నై. చూద్దురు చిత్రాలు)